Սեպտեմբերի 17-ին Ադրբեջանի բանակում մեկնարկել է պլանային լայնածավալ զորավարժություն, որոնց մասին հայտարարվել էր սեպտեմբերի 14-ին:
Զորավարժության առաջին օրվանից տեսանյութ է հրապարակել Ադրբեջանի ՊՆ-ն: Ըստ դրա՝ առաջին օրը ներգրավված ստորաբաժանումները մշտական տեղակայման վայրերից տեղափոխվել են զորավարժության անցկացման վայրեր:
Զորավարժությանը ներգրավվել են՝
Ինքնագնաց հրետանային համակարգեր
- «Դանա»
- «Մստա-Ս»
- «Պիոն»
- «Ակացիա»
- «Վենա»
Համազարկային կրակի ռեկտիվ համակարգեր
- «Սմերչ»
- T-300 «Քասրղա»
- RM-70
- LAR-160 (160 մմ)
- ՏՕՍ-1Ա (ծանր հրանետ)
Այլ
- «Խրիզանտեմա-Ս» – հակատանյակին համակարգ
- ԲՄՊ-2 – հետևակի մարտական մեքենա
Նշվում է, որ զորավարժություններին մասնակցելու է 20 հազար զինծառայող, ներգրավվելու է 200 միավորից ավելի տանկ և այլ զրահատեխնիկա, 120 միավորից ավելի տարբեր տրամաչափի հրթիռահրետանային կայաններ, համազարկային կրակի ռեակտիվ համակարգեր և ականանետներ, 10 միավոր կործանիչ և ռմբակոծիչ, մինչև 20 միավոր ավիացիոն միջոցներ՝ նախատեսված տարբեր նպատակների համար։