Մայիսի 5-ին Թեհրանում Իրանի զինված ուժերի գլխավոր շտաբի պետի միջազգային հարցերով տեղակալ Ղադիր Նեզամիի և Օմանի ԶՈւ ԳՇ պետի տեղակալ Ռաշիդ բին Սաիդ ալ-Բալուշիի ղեկավարությամբ ացկացվել է Իրանի և Օմանի ռազմական համագործակցության հարցերով ընդհանուր կոմիտեի 14-րդ նիստը։ Այս մասին տեղեկացնում է իրանական «Թասնիմ» լրատվական գործակալությունը։
Իրանի և Օմանի ռազմական համագործակցության հարցերով համատեղ կոմիտեի 14-րդ նիստը
Նիստի ընթացքում կողմերը քննարկել են երկու երկրների միջև ձեռք բեված համաձայնագրերի, պայմանավորվածությունների կատարման ընթացքին, երկկողմ ռազմական հարաբերությունների խորացմանը վերաբերող հարցեր։ Իր ելույթի ընթացքում Իրանի ԶՈւ ԳՇ պետի տեղակալը բարձր է գնահատել երկու երկրների զինված ուժերի համագործակցության մակարդակը։
Օմանի պատվիրակությունը նիստի անցկացումից հետո հանդիպել է նաև Իրանի ԶՈւ բարձրաստիճան պաշտոնյանաների հետ։
Հավելենք, որ մոտ օրերս Իրանի և Օմանի ռազմածովային ուժերը որոնողափրկարարական թեմայով համատեղ զորավարժություն կանցկացնեն Պարսից ծոցում։ Զորավարժությանը ներգրավվելու են նաև Իրանի իսլամական հեղափոխության պահապանների կորպուսի (ԻՀՊԿ) ռազմածովային ուժեր։
Նշենք, որ Օմանը, ի տարբերություն տարածաշրջանի արաբական մյուս երկրների, լավ հարաբերություններ ունի Իրանի հետ։
2013-ին Օմանի և Իրանի պաշտպանության նախարարները ստորագրել էին պաշտպանական ոլորտում համագործակցության ընդլայնման վերաբերյալ հուշագիր:
Երկու երկրները հաճախ անցկացնում են նաև համատեղ ծովային զորավաժություններ։