Ադրբեջանը պատրաստովում է արդեն 2018 թ. Բելառուսից գնել տասը «Պոլոնեզ» համազարկային կրակի ռեակտիվ համակարգ: «Իրավական փաստաթղթերը գնտվում են ավարտական փուլում, իսկ հաճախորդը վերջացնում է լուծել իր ֆինանսական խնդիրները», — հայտնում է ռուսաստանյան «Կոմերսանտը»՝ փոխանցելով իր աղբյուրների տված տեղեկությունը:
Ըստ ռուսաստանյան կայքի՝ Բելառուսը նախատեսում է առաջին անգամ արտահանել «Պոլոնեզ« ՀԿՌՀ-ներ, իսկ հնարավոր գնորդն Ադրբեջանն է:
Բելառուսի ՊՆ-ին մոտ կանգնած աղբյուրը «Կոմերսանտին» հայտնել է, որ «Պոլոնեզների» արտահանումը կարող է իրականացվել հենց 2018 թվականին: Դա ենթադրում է գնորդին տասը ՀԿՌՀ-ի (հրթիռներ, տրանսպորտալիցքավորող մեքենաներ, ղեկավարման կետ, ռադիոլոկացիոն կայաններ ևն) մատակարարում:
Ըստ այս աղբյուրի՝ Մինսկից համակարգերի գնման համար վարկի ձեռքբերման մասին խոսք չկա: Աղբյուրը, ով Բելառուսի ՊՆ-ից է, գնորդի անուն չի հայտնել, սակայն «ռուսաստանյան ռազմարդյունաբերական ընկերությունների երկու թոփ-մենեջերները» Կոմերսանտին հայտնել են, թե խոսքն Ադրբեջանի մասին է:
Նույն օրը՝ ապրիլի 18-ին, ռուսաստանյան Զենքի համաշխարհային առևտրի վերլուծության կենտրոնի տնօրեն Իգոր Կորոտչենկոն, «Սպուտնիկ Արմենիայի» կազմակերպած հեռուստակամուրջի ընթացքում պատասխանելով լրագրողների հարցերին, նշեց, որ նման բան հնարավոր է:
«Եթե այս պայմանագիրը ստորագրվի և Բելառուսի նախագահ Ալեքսանդր Լուկաշենկոն համաձայնություն տա, իսկ դատելով ամեն ինչից դա կլինի, այդպիսի մատակարարումը, ապա դա որոշակիորեն կտա, ստեղծում է նոր իրականություն՝ Հայաստանի կողմից առկա ռազմաքաղաքական, ռազմավարական պարիտետի պահպանման համար հնարավոր միջոցների որոնման տեսանկյունից: …
Իսկ այսպես, «Կոմերսանտ» թերթի տեղեկությունը մենք դիտարկում ենք որպես արժանահավատ», — նշեց Կորոտչենկոն ասուլիսի ընթացքում, որին ներկա էր նաև Ռազմինֆոյի թղթակիցը:
Հիշեցնենք, որ 2017 թ աշնանը Բելառուս այցի ընթացքում Ադրբեջանի պաշտպանության նախարարին ցուցադրել էին «Պոլոնեզ» համակարգ:
«Պոլոնեզ» ՀԿՌՀ-ն կրում է 301 մմ տրամաչափի 8 հրթիռ։ Բելառուսական կողմի պնդմամբ՝ առավելագույն հեռահարությունը 200 կմ է։
Ըստ Ռուսաստանյան «Ռազմավարությունների և տեխնոլոգիաների վերլուծության կենտրոնի» (BMPD) բլոգի՝ Բելառուսում 2015 թ․ զորահանդեսին առաջին անգամ ցուցադրված զինտեխնիկան չինական General Army Tactical Strike System համակարգի՝ Բելառուսում հավաքվող տարբերակն է։