Ուկրաինայի կառավարությունը հաստատել է երկրի ներքին գործերի նախարարության, ազգային գվարդիայի և այլ ուժային կառույցների համար եվրոպական Airbus ընկերությունից նոր ուղղաթիռների խմբաքանակ գնելու որոշումը: Այս մասին հայտնում է բրիտանական Jane’s Defence Weekley հանդեսը՝ հղում անելով ուկրաինական աղբյուրներին:
Ուկրաինան մասնավորապես պատրաստվում է ձեռք բերել 55 միավոր H125, H145 և H225 ուղղաթիռներ: Airbus ընկերությունից հրաժարվել են մեկնաբանել նման գործարքի մասին տեղեկությունները: Հայտնի չէ, թե ուղղաթիռների վաճառքը գործարքը որքան է արժենալու:
Հիշեցնենք, որ Ուկրաինայի զինված ուժերի և մյուս ուժային կառույցների սպառազինությունում ներկայում գտնվում են հիմնականում սովետական արտադրության ուղղաթիռների, մասնավորապես Մի-8 և 24 ուղղաթիռներ՝ տարբեր մոդիֆիկացիաներով:
Նոր ուղղաթիռները հիմնականում համալրելու են Ուկրաինայի ազգային գվարդիայի սպառազինությունը, որը ստեղծվել է Ղրիմի ճգնաժամից հետո և ներկայում դրանում ծառայում է շուրջ 46000 զինծառայող: