Մարտի 20-ին Թուրքիայի ցամաքային զորքերի 2-րդ բանակի հրամանատար, գեներալ-գնդապետ Իսմայիլ Մեթին այցելել է Սիրիայի Աֆրին քաղաքի կենտրոն և ստուգումներ արել այնտեղ գտնվող թուրքական ստորաբաժանումներում: Այս մասին հայտնում է թուրքական պետական «Անադոլու» գործակալությունը:
Նշենք, որ հենց Իսմայիլ Մեթինն է ղեկավարում Սիրիայի Աֆրին շրջանում քրդական «Ժողովրդական ինքնապաշտպանության ջոկատների»՝ YPG-ի դեմ Թուրքիայի զինուժի գործողությունները:
Թուրքիայի ցամաքային զորքերի 2-րդ բանակի հրամանատարը այցելել է Աֆրին քաղաք
Մարտի 18-ի Թուրքիայի զինված ուժերը և հավատարիմ զինյալները վերահսկողություն են հաստատել Աֆրինի քաղաքի կենտրոնում։ Ներկայում Թուրքիայի զինուժը և նրանց աջակցող զինյալները շարունակում են Աֆրինում քրդական ուժերի դեմ գործողությունները:
Թուրքիայի իշխանությունները պարբերաբար հայտարարում են Աֆրին շրջանում գործողությունների ավարտից հետո Սիրիայի հյուսիսում շարունակելու են գործողությունները:
2-րդ բանակի ստորաբաժանումները տեղակայված են Թուրքիայի՝ Սիրիայի, Իրաքի և Իրանի հետ սահմաններին հարող տարածքներում: Բացի այդ, 2-րդ բանակի վերահսկողության տակ գտնվող տարածքներում են կենտրոնացած «Քրդստանի աշխատավորական կուսակցության» (PKK) հիմնական ուժերը: 2-րդ բանակի շտաբը տեղակայված է Մալաթիայում: