Թուրքիան Սիրիայի հյուսիսային Աֆրին շրջանում քրդական ուժերի դեմ «Ձիթենու ճյուղ» գործողությանը ներգրավվում է նաև «գյուղական պահապաններին», որոնք հիմնական քրդերից կազմված զինված ստորաբաժանումներ են և Թուրքիայի տարբեր նահանգներում ներգրավված են «Քրդստանի աշխատավորական կուսակցության»՝ PKK-ի դեմ:: Այս մասին հայտնում է թուրքական «Սյոզջու» պարբերականի կայքը:
Փետրվարի 20-ին Աֆրին ուղարկված 36 «գյուղական պահապանները» ծառայում են Թուրքիայի Դիարբեքիր Քուլփ գավառում: Եվս 28 «գյուղական պահապանը» ուղարկվել է Դիարբեքիրի Էրգանի գավառից, այսինքն ընդհանուր առմամբ Աֆրին է ուղարկվել 64 գյուղական պահապանը:
Աֆրինում Թուրքիայի զինուժի գործողություններին միանում են նաև «գյուղական պահապանները»
Բացի Թուրքիայի զինուժից, Սիրիայի քրդական ուժերի դեմ կռվում են նաև Անկարային աջակից «Սիրիայի ազատ բանակ խմբավորման» զինյալները, ինչպես նաև թուրքական ժանդարմերիան:
«Գյուղական պահապանների» ներգարվվումը այս գործողություններին, ըստ երևույթին, ավելի շատ քարոզչական նպատակներ է հետապնդում: Սրանով, թուրքական կողմը փորձում է ցույց տալ, որ Սիրիայի «ահաբեկիչների դեմ» կռվում են նաև Թուրքիայում ապրող քուրդ «գյուղական պահապանները»: Միևնույն ժամանակ, այսպիսով Թուրքիայի իշխանությունները կրկին բաժանարար գծեր է դնում քրդական տարբեր ուժերի միջև՝ Թուրքիայի և Սիրիայի քրդերի հանելով միմյանց դեմ:
Բացի այդ, Թուրքիայի զինուժը միայն Աֆրինում արդեն իսկ տվել է 32 զինծառայողի կորուստ, Անկարային աջակից զինյալների կորուստների մասին հստակ տվյալներ չկան: Հետևաբար 64 «գյուղական պահապանը» դժվար թե կարողանան որևէ լուրջ հաջողություն գրանցել Աֆրինում:
Աֆրինում քրդական «Ժողովրդական ինքնապաշտպանության ջոկատների»՝ YPG-ի դեմ Թուրքիայի ուժայինների և նրանց աջակցող զինյալների գործողությունները սկսեն են դեռևս հունվարի 20-ից: Թուրքիան YPG-ին համարում է PKK-ի սիրիական ճյուղավորում:
Թուրքական կողմը բացի մարդկային կորուստներ ունի բավականին մեծ նյութական կորուստներ: Աֆրինում Թուրքիան արդեն կորցրել է «Աթաք» ուղղաթիռ, տանկեր, «Բայրաքթար» ԱԹՍ, ՀՄՄ-ներ և այլն, զինտեխնիկայի կորուստների մասին հստակ տեղեկություններ հայտնի չեն:
Նշենք, որ «գյուղական պահապանները» ենթարկվում են գավառի կամ նահանգի ժանդարմերիայի հրամանատարությանը: Փորձագետների գնահատականով՝ «Գյուղական պահապանների» քանակը մոտ 50-60 հազար է: 2016-ի հոկտեմբերի 29-ից սկսած «գյուղական պահապանների» ինստիտուտը անվանափոխվել է «անվտանգության պահապանների»: