Հայաստանի պաշտպանության նախարարի առաջին տեղակալ Արտակ Զաքարյանը մեկնելու է Բելառուս՝ մասնակցելու Բելառուսի զինված ուժերի կազմավորման 100-ամյակի միջոցառումներին:
Այս մասին Razm.info-ին տեղեկացրեց ՀՀ ՊՆ մամուլի խոսնակ Արծրուն Հովհաննիսյանը:
Միջոցառումն անցկացվելու է փետրվարի 23-ին: Նույն առիթով Բելառուսում է լինելու նաև Ադրբեջանի պաշտպանության նախարար, գեներալ-գնդապետ Զաքիր Հասանովը: Այդ երկրի ՊՆ հաղորդագրության համաձայն՝ Հասանովն այցելելու է նաև Բելառուսի ռազմարդյունաբերական ձեռնարկություններ: