Ավելի քան մեկ շաբաթ շարունակվող գործողության արդյունքում Թուրքիայի զինուժը և Անկարայի օգնությամբ գործող զինյալները ի վերջո կարողացել են գրավել Սիրիայի Աֆրինի շրջանի Բուրսեյա բլուրը, ինչպես նաև հարակից մեկ գյուղ: Քրդական կողմը պնդում է, որ բլուրը դեռ իրենցն է, սակայն տեսանյութերն ու լուսանկարները այլ բան են փաստում:
Այս փաստը ընդունել է նաև Twitter-ում սիրիական հակամարտությունը ակտիվորեն լուսաբանող, պրոքրդական օգտատեր Hassan Ridha-ն:
Turkish mercenaries take control of Qastal Jandu village after capturing Jabal Barsaya pic.twitter.com/vv1dLOj1X0
— Hassan Ridha (@sayed_ridha) January 28, 2018
Բուրսեյա կոչվող բլուրը տեղակայված է Սիրիայի Ազազ շրջանի դիմաց: Ազազը ավելի վաղ էր անցել Թուրքիայի վերահսկողությանը՝ 2016-17 թթ. իրականացված «Եփրատի վահան» գործողության արդյունքում: Բլուրը քանիցս «ձեռքից ձեռք» էր անցնում՝ հայտնվելով մեկ քրդերի, մեկ՝ թուրքերի ու Թուրքիայի հովանավորյալ զինյալների ձեռքում:
Միայն հունվարի 27-28-ին բլրի ակտիվ հրթիռակոծումից և հրետակոծումից հետո թուրքական կողմը կարողացավ այն գրավել:
Թուրքական ուժերը Բուրսեյա բլրի վրա
Այսպիսով, հունվարի 20-ից սկսած գործողության արդյունքում, թուրքական կողմն Աֆրինում քրդերից կարողացել է գրավել հետևյալ տարածքները (աջում՝ ըստ թուրքական կողմի, ձախում՝ ըստ քրդական աղբյուրների):
Map of Afrin spread by pro Turkish/jihadis
and map of actual situation with corrections to the same map, based on ground info. pic.twitter.com/P1N0CP9U9R— Gilgo Robespierre (@PapaGilgo) January 28, 2018
Աֆրին գործողության մասին ավելի մանրամասն՝ այստեղ: