Հունվարի 21-ին Թուրքիան երկու կողմից սկսել է տանկեր և հատուկ նշանակության ստորաբաժանումներ մտցնել Սիրիայի քրդերի վերահսկած Աֆրինի շրջան։ Առայժմ ցամաքային հիմնական ուժը կազմում են Թուրքիայի վերահսկած զինյալ խմբավորումների ուժերը։
Թուքիայի վարչապետ Բինալի Յըլդըրըմը հայտարարում է, որ գործողությունը լինելու է 4 փուլով, որի վերջնական նպատակը Աֆրինում 30 կմ խորությամբ «անվտանգության գոտու» ձևավոումն է։
Թուրքական պետական «Անադոլու» գործակալության տվյալներով՝ «Ձիթենու ճյուղ» կոչվող ռազմագործողության երկրորդ օրում՝ հունվարի 21-ին, Թուրքիայի զինուժը շարունակում է օդային հարվածներ հասցնել Աֆրինում քրդերի դիրքերին, իսկ արդեն Աֆրինի տարածք ներխուժել են «Սիրիայի ազատ բանակ» կոչվող զինյալ խմբավորման անդամները։
Թուրքական NTV հեռուստաընկերության տվյալներով՝ զինյալների հետ համատեղ Սիրիայի սահմանն անցել և Աֆրինում առաջ են շարժվում են Թուրքիայի ԶՈւ տանկեր, հատուկ նշանակության ստորաբաժանումներ։ Ցամաքային հարձակումն առայժմ շարունակվում է երկու հիմնական ուղղությամբ՝ արևելքից և հյուսիսից։ Մյուս կողմերից Թուրքիան շարունակում է հրետանու և համազարկային կրակի ռեակտիվ համակարգերի գործադրմամբ հրետակոծել քրդերի դիրքերը։
Ցամաքային բախումների մասին հայտնում է նաև քրդական ANF News լրատվական գործակալությունը։
Հիշեցնենք, որ Սիրիայի քրդերի դեմ գործողությունը պաշտոնապես սկսել է հունվարի 20-ին։
Intense bombardment continues on Balia and Topal villages of Bilbilê district. Contrary to the allegations by pro-Turkish media none of #Turkish troops and mercenaries have managed to break the line and enter #Afrin. pic.twitter.com/hkNZT9CFph
— Rojava Defense Units | YPG (@DefenseUnits) January 21, 2018