Հրապարակվել են մարզիկների տարկետում ստանալու չափանիշները. նախագիծ

Սպորտի բնագավառում պարտադիր զինծառայությունից տարկետում կտրվի  կառավարության որոշմամբ՝ ՀՀ սպորտի և երիտասարդության հարցերի
նախարարության ներկայացմամբ: Որոշման նախագիծը հրապարակվել է e-draft.am կայքում:

Տարկետում կստանան  հետևյալ ձեռբերումներ ունեցողները.

  • օլիմպիական մարզաձևերի աշխարհի/Եվրոպայի
    առաջնություններում (մեծահասակների/երիտասարդների/պատանիների)/օլիմպիական խաղերում/եվրոպական խաղերում/ պատանեկան օլիմպիական խաղերում/համաշխարհային
    ունիվերսիադայում 1-5-րդ տեղեր գրաված ու առնվազն մեկ հաղթանակ տարած կամ առաջիկա օլիմպիական կամ պատանեկան օլիմպիական խաղերի մասնակցության վարկանիշ ձեռք բերած մարզիկներ,
  • շախմատի համաշխարհային օլիմպիադայում 1-5-րդ տեղերը գրաված ու առնվազն մեկ հաղթանակ տարած մարզիկներ կամ շախմատի համաշխարհային պատանեկան օլիմպիադայում 1-3-րդ տեղերը գրաված և առնվազն մեկ հաղթանակ տարած մարզիկներ:                                                                                                                                                  Թենիս մարզաձևում Դևիսի գավաթի խաղարկությունը հավասարեցվում է մեծահասակների աշխարհի առաջնությանը, իսկ Եվրոպայի գավաթի խաղարկությունը հավասարեցվում է մեծահասակների Եվրոպայի առաջնությանը,
  • ոչ օլիմպիական մարզաձևերից ուշու (բացառությամբ կատաների), սամբո մարզաձևերի աշխարհի/Եվրոպայի մեծահասակների/երիտասարդների առաջնությունում/եվրոպական խաղերում/ համաշխարհային ունիվերսիադայում 1-3-րդ տեղերը գրաված ու առնվազն մեկ հաղթանակ տարած մարզիկներ և ոչ օլիմպիական մարզաձևերից ուշու (բացառությամբ կատաների), սամբո մարզաձևերում աշխարհի կամ Եվրոպայի պատանիների առաջնությունում 1-2-րդ տեղերը գրաված և առնվազն մեկ հաղթանակ տարած մարզիկներ,
  • ՀՀ ֆուտբոլի ազգային հավաքականների (պատանեկան, երիտասարդական և մեծահասակների) անդամ հանդիսացող մարզիկներ, սակայն ոչ ավելի, քանի յուրաքանչյուր հավաքականից՝ 22 մարզիկ,
  • օրենքով սահմանված կարգով ՀՀ քաղաքացիություն ստացած և Հայաստանի դրոշի ներքո միջազգային առաջնություններին մասնակցող մարզիկները:

Տարկետման ժամկետի ավարտից հետո սպորտի բնագավառում նշանակալի նվաճումների համար քաղաքացին մեկ անգամ էլ է կարող ստանալ տարկետում:

Տարկետում ստանալու համար քաղաքացին, սպորտի բնագավառում թիմային մարզաձևերի շրջանակներում՝ նաև համապատասխան մարզաձևի ազգային ֆեդերացիայի նախագահը, կարող է մինչև յուրաքանչյուր տարվա ապրիլի 1-ը կամ հոկտեմբերի 1-ը դիմում ներկայացնել սպորտի և երիտասարդության հարցերի նախարարին:

Նշենք, որ կայքը հնարավորություն է տալիս քաղաքացիներին նախագծի վերաբերյալ ներկայացնել առաջարկություններ և դիտողություններ, տեղեկանալ ներկայացված առաջարկների ընդունման կամ մերժման մասին, մասնակցել նախագծի վերաբերյալ հանրային քննարկումներին:

One response to “Հրապարակվել են մարզիկների տարկետում ստանալու չափանիշները. նախագիծ

  1. BAREV DZEZ ES NAREK EM SOVORUM EM EREVANI PETAKAN FIZKULTURAYI INSTITUTUM CANRAMARTI BAJINE INDZ HETAKRKRUM E MI SHAT KAREVOR HARC ES MRCUMNERI MASNAKCEL EM MIAYN HAYASTANUM EV SHAT HAXTANAKNER UNEM DER HAYASTANIC DURS MRCUMNERI CHEM MASNAKCEL XNDRUM EM ASACEK INDZ TARKETUM HASNUME TE VOCH?

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *