Հունվարի 6-ին մահացել է ավտովթարից հետո հոսպիտալ տեղափոխված ժամկետային զինծառայող

Երեկ՝ հունվարի 6-ին, հոսպիտալում մահացել է մի քանի օր առաջ ավտովթարում վնասվածքներ ստացած, արձակուրդում գտնվող ժամկետային զինծառայող, Հրազդան քաղաքի բնակիչ 19-ամյա Պարգև Սարիբեկյանը։ Տեղեկությունը մեզ հետ զրույցում հաստատեց ՀՀ ՊՆ մամուլի քարտուղար Արծրուն Հովհաննիսյանը։ 

Ավելի վաղ Shamshyan.com կայքը հայտնել էր, որ հունվարի 2-ին՝ ժամը 19:10-ի սահմաններում, Պ. Սարիբեկյանը Հրազդան քաղաքի Միկրոշրջան թաղամասի 27 շենքի մոտ իր վարած Mercedes մակնիշի ավտոմեքենայով դուրս էր եկել երթևեկելի գոտուց և բախվել ծառին:

Վթարի հետևանքով Պ. Սարիբեկյանը ու ուղևոր՝ համաքաղաքացի 18-ամյա Էդգար Խաչատրյանը մարմնական վնասվածքներով տեղափոխվել էին Հրազդանի բժշկական կենտրոն: ՀՀ ՊՆ մամուլի քարտուղար Արծրուն Հովհաննիսյանը նշեց, որ Սարիբեկյանը մահացել է մի քանի օր հոսպիտալում մնալուց հետո՝ ավտովթարում ստացած ծանր վնասվածքներից։

Մահացած զինծառայող Պարգև Սարիբեկյանի վարած մեքենան․ Աղբյուրը՝ Shamshyan.com

Մահացած զինծառայող Պարգև Սարիբեկյանի վարած մեքենան․ Աղբյուրը՝ Shamshyan.com

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *