Նիստը նախագահող ՀՀ պաշտպանության նախարար Վիգեն Սարգսյանը կարևորել է գերիների, պատանդների և անհայտ կորած անձանց ընտանիքներին սոցիալական և բարոյահոգեբանական աջակցության ցուցաբերելու անհրաժեշտությունը:Այս մասին հայտնում է ՀՀ ՊՆ կայքը:
Գերիների, պատանդների և անհայտ կորածների հարցերով հանձնաժողովի նիստ. 19.12.2017
Հանձնաժողովը քննարկել է 2017թ. ընթացքում կատարված աշխատանքները, նախանշել 2018թ. ծրագրում ներառված միջոցառումներն ու աշխատանքային հիմնական ուղղությունները: Հանձնաժողովի անդամները հանդես են եկել համադրված գործունեության կազմակերպման վերաբերյալ առաջարկություններով:
Նիստն անցկացվել է դեկտեմբերի 19-ին՝ ՀՀ ՊՆ վարչական համալիրում:
Հանձնաժողովի նախագահ, պաշտպանության նախարար Վիգեն Սարգսյանը, դրական է գնահատել 2017թ.-ին հանձնաժողովի անդամների և հանձնաժողովին առընթեր աշխատանքային խմբի կողմից իրականացված գործունեությունը:
Պաշտպանության նախարարը մի շարք հանձնարարականներ է տվել 2018թ. նախանշված միջոցառումների վերաբերյալ: