Դեկտեմբերի 18-ին ՀՀ պաշտպանության նախարար Վիգեն Սարգսյանն ընդունել է ՆԱՏՕ-ի գլխավոր քարտուղարի տեղակալ Ռոզ Գյոթեմյուլլերին։ Գոթեմյոլլերը բարձր է գնահատել ՀՀ խաղաղապահ ստորաբաժանումների մասնակցությունը Աֆղանստանում և Կոսովոյում ՆԱՏՕ-ի ղեկավարած գործողություններին, կարևորել է նոր կարողությունների զարգացման, փոխգործունակության բարելավման համատեղ ջանքերը, համագործակցությունը ռազմական կրթության և այլ ուղղություններով։ Հայտնում է ՀՀ ՊՆ կայքը:
Կողմերը կարծիքներ են փոխանակել Անհատական գործընկերության գործողությունների ծրագրի, Պլանավորման և վերանայման գործընթացի շրջանակներում պաշտպանական բարեփոխումների աջակցության, բարեվարքության ամրապնդման համաձայնեցված նպատակների գործնական իրականացումն ապահովելու շուրջ։
ՀՀ պաշտպանության նախարարը Գյութեմյուլլերին ներկայացրել է սահմանադրական փոփոխություններով պայմանավորված պաշտպանական օրենսդրության փոփոխությունները, այլ ծրագրեր:
Հիշեցնենք, որ Հայաստան է այցելել ՄԱԿ-ի ԱԽ-ի 1325 բանաձևի կիրառման շրջանակներում «Կանայք, խաղաղություն և անվտանգություն» թեմայով աշխատանքային քննարկմանը մասնակցելու նպատակով:
Դեկտեմբների 18-ին Գյոթեմյուլլերին ընդունել է նաև ՀՀ արտգործնախարար Էդվարդ Նալբանդյանը: ՆԱՏՕ-ի պաշտոնյային պետք է ընդունեն նաև ՀՀ նախագահը, Ազգային ժողովի նախագահը: