ԱՄՆ նախագահ Բարաք Օբաման հայտարարել է, որ ընթացիկ տարվա հուլիսին նախագահի՝ ազգային անվտանգության գծով խորհրդականի պաշտոնում Թոմաս Դոնիլոնին կփոխարինի Սյուզան Ռայսը։
Օբաման շեշտել է, որ Դոնիլոնն անձամբ է որոշել հրաժարական տալ հուլիսի սկզբին՝ բնութագրելով վերջինիս որպես «ամերիկյան պատմության մեջ ամենաազդեցիկ խորհրդական ազգային անվտանգության գծով» և շնորհակալություն հայտնելով կատարած բացառիկ աշխատանքի համար։
ԱՄՆ նախագահն իր խոսքում հիշատակել է Սյուզան Ռայսին, որը նախկինում ԱՄՆ մշտական ներկայացուցիչն էր ՄԱԿ-ում։
Օբաման ընգծել է, որ Ռայսը կենդանություն է հաղորդել ՄԱԿ-ում ԱՄՆ դիվանագիտությանը։