Այսօր Հայաստանը կհանձնի միջդիրքային գոտում հայտաբերված ադրբեջանցի զինծառայողի դիակը

Նոյեմբերի 23-ին ՀՀ ՊՆ-ն հաղորդագրություն էր տարածել, որում նշվում էր ՀՀ ԶՈւ զինծառայողները միջդիրքային գոտում ադրբեջանցի զինծառայողի դիակ են հայտնաբերել:

Ավելի ուշ Ադրբեջանի ՊՆ-ն հաստատել էր տեղեկությունը:

Ադրբեջանի պաշտպանության նախարարության տարածած հաղորդագրությունում նշվում էր, որ Նախիջևանի Օրդուբադի շրջանի դիմաց՝ Հայաստանի սահմանի մոտ հայտնաբերվել է ժամկետային զինծառայող Ջալիբեյլի Բահրուզ Փարվիզ օղլուի (Cəlilbəyli Bəhrüz Pərviz oğlu) դին:

Ավելացնենք, որ 2017 թ. հունվարի 1-ից մինչև օրս բաց աղբյուրներից մեզ հայտնի է դարձել Ադրբեջանի բանակի 53 մահացած զինծառայողի անուն, ևս 1 զինծառայողի անուն էլ հայտնի չէ: