Նոյեմբերի 8-ին Բաքվում Գերմանիայի և Ադրբեջանի ԶՈւ մասնագետները քննարկել են ռազմական հոգեբանությանը, կանոնադրական հարաբերություններին, մամուլի և հասարակության հետ կապերին վերաբերող խնդիրներ: Այս մասին հայտնում է Ադրբեջանի ՊՆ կայքը:
Հանդիպումն անցկացվել է Գերմանիայի և Ադրբեջանի պաշտպանության նախարարությունների միջև ստորագրված 2017 թ. համագործակցության ծրագրի շրջանակներում:
Միջոցառման շրջանակներում կողմերն անդրադարձել են մասնավորապես զինծառայողների միջև հարաբերություններին, ռազմական գործողությունների ընթացքում հոգեբանական պատրաստությանը, մի շարք այլ խնդիրների:
Հիշեցնենք, որ հոկտեմբերի 26-ին Բաքվում նույն համագործակցության ծրագրի շրջանակներում հանդիպել էին Գերմանիայի և Ադրբեջանի ՊՆ ներկայացուցիչներ: