Սեպտեմբերի 6-ի երեկոյան մահապարտ-ահաբեկիչը հարձակվել է Աֆղանստանի «Բագրամ» ավիաբազայի վրա: Հարձակման արդյունքում վիրավորվել է Վրաստանի ԶՈւ 2-րդ հետևակային բրիգադի 23-րդ գումարտակի 3 զինծառայող: Այս մասին հայտնել է Վրաստանի ՊՆ կայքը:
Վիրավորների երկուսի վիճակը գնահատվում է բավարար: Երրորդ վիրավորը՝ լեյտենանտ Իվերի Բուաձեն, ծանյրահեղ ծանր վիճակում է, նրան շտապ վիրահատել են:
Հիշեցնենք, որ օգոստոսի 3-ին Աֆղանստանում վրացական զորախումբը կորուստներ կրել էր նաև նախորդ ամիս. օգոստոսի 3-ին ՆԱՏՕ-ի «Վճռական աջակցություն» առաքելության զինծառայողների շարասյան վրա հարձակման արդյունքում մահացել էր Վրաստանի ԶՈւ մեկ զինծառայող, ևս 3-ը՝ վիրավորվել էին:
Ավելացնենք, որ ՆԱՏՕ-ի այս առաքելության շրջանակներում Վրաստանը ԱՄՆ-ից հետո իր զորախմբի քանակով երկրորդն է: Նույն առաքելությանը մասնակցում են նաև ՀՀ ԶՈւ զինծառայողներ: