Օգոստոսի 1-3-ը Իրանի կասպյան Բանդար է Անզալի նավահանգստում անցկացվում է «Ծովային արդյունաբերության, ծովագնացության, նավահանգիստների և համապատասխան սպառազինության» առաջին միջազգային ցուցահանդեսը։ Այս մասին տեղեկացնում է իրանական «Թասնիմ» լրատվական գործակալությունը։
Ցուցահանդեսին մասնակցում են կազմակերպություններ Ադրբեջանից, Թուրքիայից, Իտալիայից, Դանիայից, Լեհաստանից, Ֆրանսիայից, Չինաստանից, Նորվեգիայից, Գերմանիայից, Սինգապուրից։
Իրանից ցուցահանդեսին մասնակցում է պաշտպանության նախարարության ծովային արդյունաբերության կազմակերպությունը։
Ավելի վաղ Իրանը մասնակցում էր Ռուսաստանում անցկացվող «ՄԱԿՍ-2017» ավիացուցահանդեսին, որտեղ ներկայացրել է անօդաչու թռչող սարքեր, կառավարվող ռումբեր, հրթիռ և այլ սպառազինություն։
Մինչ այդ Իրանը մասնակցել է նաև Իրաքում անցկացված IQDEX-2017 միջազգային պաշտպանական արտադրանքների ցուցահանդեսին։