Կատարից թուրքական զորքը դուրս բերելու պահանջը անհարգալից վերաբերմունք է. Էրդողան

Հունիսի 25-ին Թուրքիայի նախագահ Ռեջեփ Թայիփ Էրդողանը, անդրադառնալով Կատարում թուրքական ռազմաբազան փակելու և Թուրքիայի հետ ռազմական համագործակցությունը դադարեցնելու վերաբերյալ արաբական մի քանի երկրների՝ Կատարին ուղղված պահանջներին, հայտարարել է, որ այդ պահանջները անհարգալից վերաբերմունք են առաջին հերթին Թուրքիայի նկատմամբ:Փոխանցում է թուրքական NTV հեռուստանընկերության կայքը:

«Կատարին արված առաջարկը արել ենք նաև Սաուդյան Արաբիային: Կատարի նման, եթե Սաուդյան Արաբիան էլ ցանկանում է, որ այնտեղ ռազմաբազա ստեղծենք, դրա ուղղությամբ կարող ենք քայլեր ձեռնարկել: Այս առաջարկը անձամբ ներկայացրել եմ թագավորին [Սաուդյան Արաբիայի թագավորին – խմբ]: Ասել են, որ կքննարկեն այդ առաջարկը, և դրանից հետո ոչ մի պատասխան չի եկել: Այս դեպքում պահանջել, որ Թուրքիան զորքերը դուրս բերի, առաջին հերթին անհարգալից վերաբերմունք է Թուրքիայի նկատմամբ: Մենք ինչ-որ երկրի հետ ռազմական համագործակցություն անելու համար, ինչ-որ մեկից թույլտվությո՞ւն պետք է խնդրենք: Թուրքիան շարքային մի երկիր, շարքային մի պետություն չէ: Այդ պատճառով Կատարից զինծառայողներին դուրս բերելու նման պահանջը Թուրքիային ուղղված անհարգալից վերաբերմունք է»,— ասել է Էրդողանը:

Էրդողանը նաև հայտարարել է, որ արաբական երկրների 13 կետանոց պահանջագիրը Կատարին միջազգային իրավունքի խախտում է: Ըստ Էրդողանի՝ արաբական երկրները խախտում են Կատարի ինքնիշխանության իրավունքը և խառնվում են Կատարի ներքին կյանքին:

Հիշեցնենք, որ հունիսի 22-ին Սաուդյան Արաբիան, Արաբական Միացյալ Էմիրությունները, Բահրեյնը, Եգիպտոսը 13 կետից բաղկացած պահանջագիր են ներկայացրել Կատարին, որի կատարման դեպքում միայն կվերականգեն դիվանագիտական հարաբերությունները այդ երկրի հետ: Այդ պահանջների մեջ է նաև թուրքական ռազմաբազայի փակում: Պահանջներն ամբողջությամբ այստեղ

Թուրքիայի ԶՈւ 5 զրահամեքենա և 23 զինծառայող հասել է Կատար

Թուրքիայի ԶՈւ 5 զրահամեքենա և 23 զինծառայող հասել է Կատար

Նշենք, որ թուրքական կողմը արդեն սկսել է զորքեր տեղակայել Կատարում: Հունիսի 22-ին Կատարի մայրաքաղաք Դոհա է ուղարկվել Թուրքիայի զինված ուժերի 5 միավոր զրահափոխադրիչ և 23 զինծառայող: Դեռևս 2014-ին տեղեկություններ էին տարածվել Կատարում մինչև 3000 թուրք զինծառայող տեղակայելու մասին:

Հունիսի 5-ին Սաուդյան Արաբիան, Եմենը, Եգիպտոսը, ԱՄԷ-ն, Բահրեյնը, այնուհետև նաև արաբական այլ երկրներ, խզել են դիվանագիտական հարաբերությունները և ցամաքային, օդային, ջրային կապը Կատարի հետ:

One response to “Կատարից թուրքական զորքը դուրս բերելու պահանջը անհարգալից վերաբերմունք է. Էրդողան

  1. Hedakrir bid ellar inchou S.Arabian bid entounear vor turkian baza ouneanar hon. Inchou, bashdbanelou te abakayin, odar oujere, nor qaghoutadragan orerou deanchov e darazats ayt yerkie: Turki khelq, garogh e hajakh kear bedoutyunnerou head shpvelov nrants yeraznearen darvats ouzoume nrants head chapvil :) i vercho mege chbeadqe ese deaghet nsdir ov dedrik.

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *