Իրանի կողմից օժանդակություն ստացող եմենցի հութի զինյալները ներկայացրել են իրենց մի քանի անօդաչու թռչող սարք, որոնցից մեկը մահապարտ է: Թեև իրանական աղբյուրները նշում են, որ սրանք հենց Եմենում են նախագծվել ու պատրաստվել, սակայն իրանական ԱԹՍ-ների հետ նմանությունը կասկածներ է առաջացնում:
Եմենում ներկայացված «Ղասեֆ-1» մահապարտ անօդաչու թռչող սարքը. լուսանկարը՝ «Ֆարս» գործակալության
Իրանական «Թասնիմ» գործակալության տվյալներով՝ Եմենում ներկայացված «Ղասեֆ-1» մահապարտ ԱԹՍ-ի առավելագույն թռիչքաժամանակը 120 րոպե է: Այն կարող է կրել մինչև 30 կգ բեռ (պայթուցիկ / մարտական լիցք): Սարքի երկարությունը 2,5 մետր է, թևերի բացվածքը՝ 3 մետր:
Ռուսաստանցի արևելագետ Յուրի Լյամինի կարծիքով, սակայն, Եմենում ներկիայացված սարքն անվանափոխված իրանական «Աբաբիլ» անօդաչուն է: Արևելագետը ներկայացրել է նաև իրանական սարքի նկարն ու մարտավարատեխնիկական բնութագրերը, որոնք գրեթե համընկնում են:
Իրանական «Աբաբիլ» ԱԹՍ-ի մարտավարատեխնիկական բնութագրերը
Մահապարտ անօդաչու թռչող սարքից բացի, Եմենում ներկայացվել են նաև 3 այլ ԱԹՍ-ներ.
- «Հուդհուդ-1». թռիչքաժամանակը՝ 90 րոպե, գործողության շառավիղը՝ 30 կմ,
- «Ռաղիբ». թռիչքաժամանակը՝ 90 րոպե, գործողության շառավիղը՝ 15 կմ,
- «Ռասեդ». թռիչքաժամանակը՝ 120 րոպե, գործողության շառավիղը՝ 35 կմ:
Եմենում ներկայացված «Հուդհուդ-1» անօդաչու թռչող սարք
Եմենում ներկայացված «Ռաղիբ» անօդաչու թռչող սարք
Եմենում ներկայացված «Ռասեդ» անօդաչու թռչող սարք