Ադրբեջանում համածառայակիցը զինծառայող է սպանել

Այսօր՝ օգոստոսի 17-ին հայտնի է դարձել, որ Ադրբեջանի Ջալիլաբադի շրջանի զորամասերից մեկում, նախնական տվյալներով համածառայակցի կողմից սպանվել է Ադրբեջանի պետական սահմանապահ ծառայության զինծառայող Ալլահվերդիև Գիսմեթ Ազար օղլուն (Allahverdiyev Qismət Azər oğlu)։ Այս մասին հայտնում է ադրբեջանական ընդդիմադիր Meydan.tv լրատվակայքի համակարգող Հաբիբ Աբդուլլաևը։

Ադրբեջանի ՊՍԾ զինծառայող Ալլահվերդիև Գիսմեթ Ազար օղլուն (Allahverdiyev Qismət Azər oğlu)

Սպանված զինծառայողը Աղջաբեդի շրջանի Խոջավենդ գյուղի բնակիչ էր։

Օգոստոսին հայտնի է դարձել 4 ոչ մարտական կորուստի մասին, որոնց վերաբերյալ պաշտպանության նախարարությունը որևէ տվյալ չի տրամադրել։ 2016 թ. սա Ադրբեջանի զինված ուժերում և պաշտպանական համակարգի այլ կառույցներում տեղ գտած և հայտնի դարձած մահացու ելքով 130-րդ դեպքն է, որը կարողացել է արձանագրել Ռազմինֆոն։