ԵԱՀԿ Մինիսկի խմբի համանախագահները տարածել են հայտարարություն, որում նշում են, որ շփման գծի երկայնքով վերջին ժամանակներում բռնության դեպքերի և տիրող լարվածությունը թոթափելու համատեքստում ժամանակն է, որ Հայաստանի և Ադրբեջանի նախագահները հանդիպեն:
Համանախագահները հայտնում են, որ համանախագահ երկրների արտաքին գործերի նախարարները պատրաստ են նպաստել այդ հանդիպման անցկացմանը Վիեննայում հաջորդ շաբաթ:
«Նրանց հիմնական խնդիրը լինելու է հրադադարի ռեժիմի պահպանման ամրապնդումը և վստահություն ձեռք բերելու ուղիներ փնտրելը, որը կվերականգնի բանակցային գործընթացը՝ հիմնախնդրի լուծման հիմնարար սկզբունքների շուրջ», — նշված է հաղորդագրության մեջ:
Համանախագահներն իրենց հայտարարության մեջ նշել են, որ բանակցություններում չի կարող լինել ոչ մի հաջողություն շարունակվող բռնությունների պարագայում, և չի կարող լինել խաղաղություն, առանց բանակցությունների:
Համանախագահները վերահաստատել են, որ հիմնախնդրի լուծումը չի կարող լինել ռազմական ճանապարհով:
Pingback: Ռազմաշաբաթ. Հայաստան. 8–14 մայիսի, 2016 | Ռազմ.info