Սեպտեմբերի 5-ին ԱՄՆ-ում ուսումնական թռիչք իրականացնելիս վթարվել է Իրաքի ռազմաօդային ուժերին պատկանող F-16 կործանիչ: Վթարի արդյունքում օդաչուն մահացել է: Այս մասին սեպտեմբերի 6-ին հայտնել են ԱՄՆ ՌՕՈւ-ից:
Իրաքի ռազմաօդային ուժերի համար նախատեսված ամերիկյան առաջին F-16 կործանիչը
Օդաչուն Իրաքի ռազմաօդային ուժերի կուրսանտ էր և դասընթացներ էր անցնում Արիզոնայում տեղակայված ԱՄՆ ՌՕՈւ 162-րդ թևում:
Նման դեպք տեղի է ունեցել նաև 2015 թվականի հունիսին: Կրկին Արիզոնայում ուսումնական թռիչքի ժամանակ F-16-ի վթարի արդյունքում զոհվել էր Իրաքի ՌՕՈւ բրիգադային գեներալ Ռաֆիդ Մուհամեդ Հասանը:
Իրաքի ՌՕՈւ օդաչուները երկրի կառավարության խնդրանքով դասընթացներ են անցնում ԱՄՆ ՌՕՈւ Արիզոնայի 162-րդ թևում:
Իրաքը ունի ԱՄՆ-ից 36 միավոր F-16 կործանիչներ ձեռք բերելու մասին պայմանագիր: Առաջին ինքնաթիռը Իրաքին է մատակարարվել 2014 թվականին: