Իրաքի կառավարական բանակը «Իսլամական պետություն» ահաբեկչական խմբավորումից ազատագրել է Թալ-Աֆար քաղաքի գրեթե բոլոր թաղամասերը, մնացել են միայն հյուսիսային արվարձանները և հարակից մի քանի գյուղեր: Այս մասին հայտարարել է գործողության հրամանատար Աբդել-Ամիր Յարալլան. փոխանցում է ռուսաստանյան «ՌԻԱ Նովոստի» գործակալությունը:
Only 1% of land in Tal Afar still in the hands of ISIS terrorists . Just a matter of a few hours and ISIS will be wiped off !!#TalAfar pic.twitter.com/3XImoQlhlT
— IRAQI NATIONAL ARMY (@Defense_Iraq) August 26, 2017
«Իրաքի բանակի 9-րդ զրահատանկային դիվիզիայի ստորաբաժանումները և աշխարհազորային բրիգադները ազատագրել են Ասկարի, աշ-Շիմալիա, Մուարիդ թաղամասերը, մուտքը դեպի Թալ-Աֆար քաղաք և հարակից գյուղերը: Այդպիսով ազատագրվել են քաղաքի հիմնական թաղամասերը», — ասվում է հրամանատարի հայտարարությունում:
Նա նաև հայտարարել է, որ բանակը շարունակում է առաջխաղաղացումը դեպի հյուսիսային արվարձաններ և հարակից գյուղեր, որոնք դեռևս վերահսկում են ԻՊ զինյալները:
Թալ-Աֆար քաղաքը Իրաքում «Իսլամական պետության» վերահսկած վերջին խոշոր բնակավայրն էր: Քաղաքի ազատագրման ցամաքային գործողությունները մեկնարկել են օգոստոսի 20-ին:
Ավելի վաղ՝ օգոստոսի 15-ին, քաղաքի ազատագրման ցամաքային գործողությունների նախապատրաստման համար Իրաքի ռազմաօդային ուժերը սկսել էին ավիահարվածներ հասցնել քաղաքում ԻՊ դիրքերին:
Թալ-Աֆար քաղաքը Մոսուլ քաղաքից 50-60 կմ հեռավորության վրա է և ԻՊ զինյալների ձեռքում է 2014-ի կեսերից: Իսկ Մոսուլը Իրաքի բանակը ազատագրել է այս տարվա հուլիսի 9-ին: Թալ Աֆարում բնակչության զգալի հատվածը տեղի թյուրքական ժողովուրդներ են: