Մայիսի 18-ին Սիրիայի տարածքում ռազմական գործողություններին ներգրավված ամերիկյան օդուժը ավիահարվածներ է հասցրել, իրենց պնդմամբ, Սիրիայի կառավարամետ խմբավորման շարասյանը: Նշվում է, որ խմբավորման անդամները «սպառնացել են ԱՄՆ դաշնակից ուժերին»:
Այս մասին հայտնում է Reuters գործակալությունը՝ փոխանցելով ԱՄՆ պաշտոնյայից ստացած տեղեկությունը:
Ամերիկյան պաշտոնյան նշել է, որ իրենք Սիրիական իշխանությունների համար կռվող և Իրանի աջակցությունը վայելող շիայական կամավորական խմբավորմանը (ամենայն հավանականությամբ՝ «Հիզբալլահ» շիայական խմաբվորմանը՝ խմբագիր) հարվածել են այն բանից հետո, երբ նրանք, չնայած զգուշացումներին, շարունակել են առաջխաղացումը ԱՄՆ աջակցությունը վայելող ուժերի ուղղությամբ:
#BREAKING U.S. official says U.S. airstrike hits pro-Assad forces in #Syria.@FoxNews
pic.twitter.com/Y1lFmYk1C7— حسن سجواني (@HSajwanization) May 18, 2017
Միջադեպը գրանցվել է Սիրիայի հարավում: Բացի այդ նաև տեղեկություններ կան, որ շարասյունը կազմված է եղել նաև Սիրիայի կառավարական ուժերից:
Հիշեցնենք, որ ավելի վաղ տեղեկություններ կային այն մասին, որ ամերիկյան օդուժը հարվածել է նաև Դեր Զորում ապրող խաղաղ բնակչությանը: Սակայն ամերիկյան կողմը հերքել էր այդ տեղեկությունը: