2017-ի ապրիլ ամսվա ընթացքում Թուրքիան Ադրբեջան է արտահանել մոտավորապես 584.000 ամերիկյան դոլարի պաշտպանական և ավիացիոն ոլորտի արտադրանք: Նույն տարվա մարտ ամսվա տվյալներով՝ արտահանման ծավալը կազմել 1.5 միլիոն դոլար, այսինքն մարտ ամսվա հետ համեմատած այն մոտ 3 անգամ նվազել է: Տվյալները վերցված են Թուրքիայի արտահանման խորհրդի զեկույցներից:
Ադրբեջանի նախագահն այցելել է Նախիջևանի զորամաս. աջից՝ Թուրքիայից գնված «Քասըրղա» ՀԿՌՀ-ի ՏԼՄ և արձակման կայան (արխիվ)
2017-ի ապրիլի Թուրքիայից Վրաստան պաշտպանական և ավիացիոն ոլորտի արտադրանքի արտահանման ծավալը կազմել է մոտ 290.000 ամերիկյան դոլար, իսկ նույն տարվա մարտին՝ 389.540 դոլար:
2017-ի ապրիլին Թուրքիայից Իրան է արտահանվել պաշտպանական և ավիացիոն ոլորտի 824.000 ամերիկյան դոլարի արտադրանք, իսկ նույն տարվա մարտին՝ 25.180 դոլարի: Այսինքն մարտ ամսվա տվյալնների հետ համեմատած ապրիլ ամսին պաշտպանական և ավիացիոն ոլորտի արտահանման ծավալները աճել են մոտ 30 անգամ:
Թուրքիայից Ադրբեջան, Վրաստան և Իրան պաշտպանական և ավիացիոն ոլորտի արտադրանքների արտահանման ծավալների դինամիկա. 2017-ի հունվար-ապրիլ
Ընդհանուր առմամբ, Թուրքիան 2017-ի ապրիլին այլ երկրներ է արտահանել պաշտպանական և ավիացիոն ոլորտի մոտ 138 միլիոն ամերիկյան դոլարի արտադրանք, իսկ մարտին 148 միլիոն դոլարի, այսինքն մեկ ամսվա ընթացքում այս ցուցանիշը նվազել է մոտ 10 միլիոն դոլարով: