Միացյալ Նահանգների Կոնգրեսը հաստատել է շուրջ 1,1 միլիարդ դոլար կազմող դաշնային բյուջեի նախագիծը: Նոր բյուջեով ևս սահմանվում է, որ ԱՄՆ ՊՆ-ն (Պենտագոնը) հիմնականում չի կարող համագործակցել Ռուսաստանի ռազմարդյունաբերական կոնցեռնի՝ Ռոսօբորոնէքսպորտի հետ: Սակայն համագործակցությունն ամբողջությամբ չի բացառվում: Այս մասին հայտնում է «ՌԻԱ Նովոստի» գործակալությունը:
Մեծ տեխնիկան Ռուսաստանի «Ռոսօբորոնէկսպորտ» ընկերությունը ներկայացրել են մանրակերտներով. (արխիվ)
Միացյալ Նահանգների նոր բյուջեում ընդգծվում է, որ եթե համագործակցություն «կենսական անհարժեշտություն է», ապա Պենտագոնը կարող է ժամանակավորապես շրջանցել արգելքը և ԱՄՆ պետքարտուղարի ու ազգային անվտանգության տնօրենի հետ խորհրդակցելուց հետո համագործակցել Ռոսօբորոնէքսպորտի հետ:
Նշված «կենսական անհրաժեշտությունը» պետք է բխի բացառապես Միացյալ Նահանգների շահերից:
Ռուսաստանյան ռազմարդյունաբերական ընկերությունների նկատմամաբ արգելքները սահմանվել են 2015 թ. սեպտեմբերին: Այն ժամանակ ընդհանրապես արգելվում էր ցանկացած համագործակցություն: Սակայն 2016 թ. համագործակցության համար տեղ էր թողնվել. նշվում էր, որ Պենտագոնը պետք է ստանա պետքարտուղարի համաձայնությունը: Այժմ այդ հնարավորությունն ավելի է ընդլայնվում, սակայն արգելքները դեռ պահպանվում են: