Փետրվարի 11–ին Ստամբուլի Չեքմեքյոյ թաղամասում ընկել է ռազմական ուղղաթիռ, անձնակազմի 4 անդամները վնասվածքներով տեղափոխվել են հիվանդանոց։
[Թարմացում] Թուրքիայի պաշտպանության նախարարությունը հայտնում է, որ վթարված ուղղաթիռը ցամաքային ուժերին պատկանող UH-1 տեսակի ուղղաթիռն էր։ Վթարից վիրավորված 4 զինծառայողն էլ մահացել են։ [Թարմացում]
Թուրքական հեռուստաընկերություններից մեկը հայտնում է, որ ուղղաթիռը, ամենայն ահվանականությամբ ուսումնա–մարտական թռիչք էր իրականացնում։
Վթարի վայրում արդեն սկսել են փրկարարական աշխատանքները։ Համացանցում ուղղաթիռի վթարի վայրից տեսանյութ է տարածվել.
Հիշեցնենք, որ 2018թ. նոյեմբերին Ստամբուլի Սանջաքթեփե շրջանի բնակելի շենքերից մեկի բակում ընկել էր ցամաքային ուժերին պատկանող ուսումնամարտական Bell-UH-1 ուղղաթիռ։ Վթարից 4 թուրք զինծառայող մահացել էր, ևս մեկը վիրավոր էր։