Հայաստանի պաշտպանության նախարարությունը ներկայացրել է նախագծեր, որոնցով սահմանվում են զինծառայության համար քաղաքացու կամ զինծառայողի պիտանիության աստիճանը որոշող հիվանդությունները և սահմանափակումները:
Հիվանդությունների նոր ցուցակին կարող եք ծանոթանալ այստեղ, իսկ այս պահին գործող և շուտով ուժից դուրս եկող ցանկին այստեղ:
Զինծառայողի պիտանիությունը որոշվում է 4 սյունակով.
- Զորակոչային տեղամասերին կցագրվող քաղաքացիներ, զորակոչիկներ, ժամկետային պարտադիր զինծառայության շարքային կազմ,
- ՌՈՒՀ ընդունվողներ, ՌՈՒՀ-երի, ՊՆ հետ պայմանագիր կնքած բուհերի՝ առաջին և երկրորդ կուրսերի կուրսանտներ (սովորողներ),
- Բոլոր կազմերի պայմանագրային, ժամկետային զինծառայության, սպայական կազմի զինծառայողներ, ՌՈՒՀ-երի, ինչպես նաև ՊՆ հետ պայմանագրով բուհերի՝ սկսած երրորդ կուրսից կուրսանտներ (սովորողներ)
- Ռադիոակտիվ նյութերով և իոնացնող ճառագայթների այլ աղբյուրների, հրթիռային վառելիքի բաղադրամասերով, էլեկտրամագնիսկան դաշտ ստեղծող ստեղծող սարքերի հետ աշխատող զինծառայողներ և այդպիսի աշխատանքի ընդունվողներ:
Երկրորդ սյունակով փորձաքննվողներին ամենախիստ մոտեցումն է ցուցաբերվում: Սակայն, ինչպես հայտնում է ՀՀ ՊՆ ռազմաբժշկական վարչության պետի տեղակալը, խստության հետ մեկտեղ որոշ հիվանդություններին ավելի մեղմ մոտեցում է ցուցաբերվում, դրանք օրինակ բուժվող հիվանդություններն են (օրինակ՝ տոնզոլիտ):
Այն հարցին, թե արդյոք սահմանափակումներով զորակոչված զինծառայողները կարո՞ղ են կամավոր ընդգրկվել մարտական հերթապահության, գնդապետը տեղեկացրեց՝ չեն կարող, սակայն ռազմական գործողությունների ժամանակ նրանք կներգրավվեն:
Սպաներին նույնպես հնարավորություն է տրվում ծառայությունը շարունակել որոշ առողջական խնդիրների ի հայտ գալու դեպքում: Օրինակ՝ ականի պայթյունից վերջույթները վնասած (կորցրած) սպան իր ցանկությամբ և հրամանատարի միջնորդությամբ կկարողանա շարունակել ծառայությունը զինված ուժերում:
Այժմ առողջական վիճակով պայմանավորված ֆիզիկական ակտիվության սահմանափակումը որոշվում է պաշտոնով. օրինակ՝ զինծառայողին ինչ պաշտոնում ինչ սահմանափակում է հասնում: Իսկ սահմանափակումների որոշումը գաղտնի է: Այսուհետ նոր կարգով սահմանափակումները որոշվելու են ըստ իրավիճակների: Իրավիճակներին և սահմանափակումներին կարող եք ծանոթանալ այստեղ:
Նոր օրինագծով հստակեցվել և հանվել են մի շարք եզրույթներ, օրինակ՝
- Անհասկանալի լինելու պատճառով հանվել է «արգելվում է հոգեբանական և ֆիզիկական լարվածություն պահանջող գործունեությունը» եզրույթը:
- «Բարձրլեռնային շրջաններ չեն ուղարկում» արտահայտությունը փոխարինվել է «ծովի մակերևույթից 2500 մետր և ավելի» եզրույթով:
- «Արգելվում է ծառայությունը մարտական հերթափոխում, մարտական զենքի հետ ինքնուրույն գործ ունենալը*, ծառայությունը հատուկ զորատեսակներում» փոխարինվել է «Առաջնագծում մարտական հերթապահությունը , հրետանու կրակային, ՀՕՊ-ի մեկնարկային դիրքերում ու կապի հանգույցներում մարտական հերթափոխի և պահակային ծառայության չեն ընդգրկվում»:
- Հանվել են նաև «պիտանի չեն խաղաղ ժամանակ, պիտանի են զինծառայության` սահմանափակումով, պատերազմական ժամանակ» ձևերը: Այսուհետ եթե զինծառայողը պիտանի չէ «խաղաղ» ժամանակ, ապա պիտանի չէ նաև պատերազմի ժամանակ:
Գնդապետ Մինասյանը նշում է, որ «արգելվում է զենքի հետ ինքնուրույն գործ ունենալը» եզրույթը փոխվել է, այլապես ինչու է նա զորակոչվում բանակ: Այսուհետ այդ հիվանդություններով մարդիկ ուղղակի մարտական հերթապահություն չեն ընդգրկվի, սակայն կսովորեն կրակել, կմասնակցեն կրակային պատրաստության պարապմունքների:
Փորձաքննության հիման վրա բժշկական հանձնաժողովը տալիս է հետևայլ եզրակացությունները.
նախազորակոչային և զորակոչայի տարիքի քաղաքացիների համար՝
- պիտանի է զինվորական ծառայության համար,
- պիտանի է ռազմաուսումնական հաստատությունում (ՌՈւՀ) ուսանելու համար,
- սահմանափակումով պիտանի է զինծառայության համար,
- ժամանակավորապես ոչ պիտանի է զինծառայության համար,
- ոչ պիտանի է զինծառայության համար,
- ոչ պիտանի է ՌՈւՀ-ում ուսանելու համար,
- կարիք ունի բուժման,
- Այն նախազորակոչիկները, ովքեր պիտանի են ճանաչվել, սակայն ունեն զորակոչին չխանգարող հիվանդություններ, որոնք վիրահատական կամ կոնսերվատիվ բուժում են պահանջում, եզրակացությանը ավելացվում է «ենթակա է բուժման» բառերը:
ՌՈՒՀ-եր ընդունվողների համար՝
- պիտանի է ռազմաուսումնական հաստատությունում ուսանելու համար,
- ոչ պիտանի է ռազմաուսումնական հաստատությունում ուսանելու համար։
Զինծառայողների համար՝
- պիտանի է զինվորական ծառայության համար,
- պիտանի է ռազմաուսումնական հաստատությունում ուսանելու համար,
- սահմանափակումով պիտանի է զինվորական ծառայության համար,
- կարիք ունի ծառայողական պարտականություններից մասնակի ազատման` մինչև 15 օր ժամկետով կամ արձակուրդ հիվանդության պատճառով (վերականգնողական),
- ոչ պիտանի է ռազմաուսումնական հաստատությունում ուսանելու համար,
- ոչ պիտանի է զինվորական ծառայության համար:
Պահեստազորայինների համար՝
- պիտանի է զինվորական ծառայության համար,
- սահմանափակումով պիտանի է զինծառայության համար,
- ենթակա է կանչվելու վարժական հավաքի.
- ենթակա չէ կանչվելու վարժական հավաքի:
Կարգի փոփոխությունը նպատակ ունի.
- բացառել ոչ հստակ բնութագրող, հակասական, վերացական պարզաբանումները և փորձաքննական սահմանային ախտորուշումները՝ դրանցով նվազեցնելով կոռուպցիոն ռիսկերը,
- կանոնակարգել ռազմաուսումնական հաստատությունների և դիմորդների բժշկական փորձաքննությունը՝ հնարավորություն ստեղծելով ավելի մեծ թվաքանակի դիմորդներ ընդգրկելկու ընդունելության քննություններում:
- հնարավորություն տալ առողջական որոշակի խնդիրներով ՀՀ որոշ քաղաքացիների կատարել սահմանադրաական պարտքը, զինծառայողներին՝ շարունակել ծառայության կարգը:
Նախագծերից մեկով էլ ուժը կորցնում է մինչ այս ոլորտը կարգավորող որոշումը:
One response to “Պիտանի՞ է ծառայության համար, թե՞ ոչ, ի՞նչ սահմանափակումներով են զորակոչվում բանակ. նախագիծ”