Մարտի 3-ին Իրաքի Մոսուլ նահանգի Սինջար շրջանում «Քրդստանի աշխատավորական կուսակցությանը» (PKK) հարող զինյալների և Հյուսիսային Իրաքի քրդական ինքնավարության ստեղծած և նրանց հովանավորության ներքո գտնվող «Ռոժավա փեշմերգե» ուժերի միջև բախումներ են եղել:
Քրդստանի աշխատավորական կուսակցության՝ PKK-ի մարտիկներ
Այս մասին հայտնում է թուրքական «Անադոլու» գործակալությունը:
Համաձայն թուրքական աղբյուրի՝ PKK-ին հարող զինյալները փորձել են մտնել Սինջարի Սինուն գյուղաքաղաք, սակայն «Ռոժավա փեշմերգա» ուժերը դիմադրություն են ցույց տվել, ինչի արդյունքում բախումներ են սկսվել: Բախումների հետևանքով երկու կողմերն էլ վիրավորներ ունեն:
Նշենք, որ Սինջարը հիմնականում բնակեցված է եզդի բնակչությամբ: 2014-ից, Սինջարն եղել է «Իսլամական պետության» զինյալների ձեռքը: Սակայն 2016-ի նոյեմբերին Հյուսիսային Իրաքի քրդական զինուժը` փեշմերգեն, ԻՊ-ից ազատագրել է Իրաքի Սինջար քաղաքը։
Նշենք, որ այս քաղաքը PKK-ի զինյալների և փեշմերգեի միջև հակամարտության հիմնական գոտիներից մեկն է:
Հատկանշական է, որ մարտերը սկսվել են այն բանից հետո, երբ Իրաքյան Քրդստանի ղեկավար Մասուդ Բարզանին փետրվարի 27-ին այցելեց Անկարա, որտեղ հանդիպեց Թուրքիայի նախագահին և վարչապետին: Հանդիպումների ժամանակ Բարզանին հայտարարել է, որ իրենք պլանավորում են Սիրիայում տեղակայել Հյուսիսային Իրաքի քրդական զինուժը` փեշմերգեն:
Բախումների մասին տեղեկություններ են տարածվում նաև սոցցանցում:
🔴Çatışmalardan gelen ilk görüntüler. #Peşmerge birlikleri ile #PKK,#HPG bağlantılı gruplar arasında #Irak,#Sincar'da çatışmalar devam ediyor pic.twitter.com/mfL83AJY3Z
— İbrahim (@haskologlu) March 3, 2017