Մինչև 2018 թվականը ՌԴ-ում մի շարք ՌՏԿ-ներ կկառուցվեն

Ռուսական «Ռադիոտեխնիկական ինստիտուտ» ԲԲԸ-ն մինչև 2018 թվականը ՌԴ հարավ-արևելյան և հյուսիսային ուղղություններով հրթիռային հարձակման նախազգուշացման համակարգերի համար ռադիոտեղորոշման մի շարք կայաններ կկառուցի: Այդ մասին Մոսկվայում իննովացիոն զարգացման միջազգային ֆորումի ժամանակ հայտնել է «Ռադիոտեխնիկական ինստիտուտի» գլխավոր տնօրեն Սերգեյ Բոևը:
Կայաններից մեկը կկառուցվի Օրենբուրգի մարզում, մյուսը՝ Բառնաուլի մոտ: Հյուսիսային ուղղությամբ կայանների կառուցման վայրերը առայժմ որոշված չեն:
Բացի այդ՝ նախատեսված է արդիականացնել հյուսիսային ուղղությամբ արդեն իսկ գոյություն ունեցող ՌՏԿ-ները:
Բոևի խոսքերով՝ բարձր պատրաստականության մի քանի ՌՏԿ-ներ արդեն շահագործման են հանձնվել Լեխտուսում, Արմավիրում:
ВЗГЛЯД թերթի փոխանցմամբ՝ ավելի վաղ ՌԴ նախագահ Վլադիմիր Պուտինը հայտարարել է, որ ՌԴ ՊՆ ղեկավարությունը պետք է հսկողության տակ առնի Օդատիեզերական պաշտպանության զորքերի ենթաակառուցվածքների զարգացման հետ կապված հարցերը:
Պուտինի խոսքով՝ մինչև 2020 թվականը պետք է ամբողջությամբ ավարտվեն ՌԴ օդատիեզերական պաշտպանության զորքերի տեղակայման պլանով նախատեսված աշխատանքները:
Աղբյուր՝ http://vz.ru/news/2012/11/1/605302.html