Ռուսական ուղղաթիռը հավանաբար հերթական պարտությունն է կրել Հնդկաստանում

Հնդկաստանին բեռնատար ուղղաթիռներ մատակարարելու մրցույթում հաղթել է ամերիկյան Չինուկ ուղղաթիռը՝ առաջ անցնելով ռուսական Մի-26-ից: Այդ մասին հայտնում է Times of India թերթը՝ հղում կատարելով Հնդկաստանի ՊՆ անանուն աղբյուրին:
Նման որոշման պատճառը, ինչպես հաղորդում է թերթը, այն է, որ Չինուկի համար ամերիկյան կողմը ավելի ցածր գին է սահմանել:
Միևնույն ժամանակ՝ ՌԴ ռազմաարդյունաբերական համալիրին մոտ կանգնած աղբյուրը ՌԻԱ Նովոստիին հայտնել է, որ ռուսական կողմը Հնդկաստանի Ռազմաօդային ուժերից այդ մասին առայժմ որևէ պաշտոնական ծանուցում չի ստացել:
Ներկայումս Հնդկաստանում անցկացվում է ուղղաթիռների երկու մրցույթ. ծանր ինքնաթիռների, որին մասնակցում է նաև ռուսական Մի-26-ը, և բազմաթիրախ ինքնաթիռների, որին մասնակցում է ռուսական Կա-226-ը:
Հնդկաստանի ռազմաօդային ուժերն արդեն զինված են ռուսական ուղղաթիռներով, այդ թվում՝ նոր ռազմատրանսպորտային ՄԻ-17Բ5-ով:
Նախորդ տարի ռուսական Մի-28Ն ուղղաթիռը պարտվել է Հնդկաստանի ԶՈՒ-ին մարտական 22 ուղղաթիռների մատակարարման մրցույթում՝ զիջելով «Բոինգ» ընկերության ԱՀ-64Դ «Ապաչ» ամերիկյան ուղղաթիռին:
Աղբյուր՝ http://ria.ru/defense_safety/20121029/907638495.html