Թուրքիայում շարունակվող արտակարգ իրավիճակների պայմաններում նախարարների խորհուրդը որոշում է ընդունել Գյուլհանեի ռազմաբժշկական ակադեմիան և զինվորական հոսպիտալները հանել զինուժի ենթակայությունից և հանձնել առողջապահության նախարարությանը: այս մասին այսօր՝ օպգոստոսի 17-ին հայտնում է թուրքական պետական «Անադոլու» լրատվական գործակալությունը:
Գյուլհանեի ռազմաբժշկական ակադեմիա
Որոշման շրջանականերում առողջապահության նախարարության ենթակայությանն են հանձնվել՝ Գյուլհանեի ռազմաբժշկական ակադեմիան և նրան կից ուսումնական հոսպիտալները, Թուրքիայի ԶՈւ վերակենդանացման և թերապևտիկ ստուգումների կենտրոնը և հոսպիտալները, դիսպանսերներ և նմանատիպ ռազմաբժշկական հաստատություններ, ժանդարմերիային պատկանող առողջապահական հաստատությունները:
Այս հաստատությունների հետ նախկինում կապ ունեցած, զինված ուժերի գլխավոր շտաբում, առափնյա անվտանգության և ժանդարմերիայի շտաբներում նշանակված համապատասխան պաշտոնյաների աշխատանքային գործունեությունը կդադարեցվի:
Պատերազմական իրավիճակում ռազմաբժշկական հաստատությունները կգործեն առողջապահության և պաշտպանության նախարարությունների արձանագրությունների, որոշումների համաձայն: Ներկայումս բոլոր իրավունքները և պարտականությունները փոխանցվում են առողջապահության ինստիտուտին: