Իսրայելաեգիպտական սահմանին բախումներ են տեղի ունեցել

Ուրբաթ իսրայաելաեգիպտական սահմանի Կարեմ Աբու-Սալեմ անցակետում մի խումբ զինյալներ հարձակվել են իսրայելցի զինծառայողների վրա:
Եգիպտական Ալ-Յաում աս-Սաբիա լրատվականը, վկայակոչելով անվտանգության ծառայության բարձրաստիճան ներկայացուցչի խոսքերը, տեղեկություններ է տարածել այն մասին, թե հարձակման ժամանակ զինյալները իսրայելցի մի զինծառայողի են պատանդ վերցրել:
Իսրայելի Պաշտպանության բանակի պաշտոնական ներկայացուցիչը, սակայն, հերքել է իսրայելցի զինծառայողի պատանդ վերցվելու մասին տեղեկությունները:
Ըստ իսրայելական կողմի՝ իսրայելաեգիպտական սահմանին զինյալների և իսրայելցի զինվորականների միջև տեղի ունեցած փոխհրաձգության հետևանքով 3 զինյալ է վնասազերծվել, սպանվել է նաև 20-ամյա իսրայելցի մի զինծառայող, ևս մեկը վիրավորվել է:
Հյուսիսային Սինայի (Եգիպտոս) անվտանգության ծառայության տվյալներով՝ հարձակումն իրագործած զինյալները ծայրահեղական Ալ-Ջիհադ կազմակերպությանը մոտ խմբավորման կողմնակիցներ են:
Հաղորդվում է, որ զինյալները մահապարտի գոտիներ են կրել:

Աղբյուրներ՝