Ծեծի ենթարկված զինծառայողի գործն ուղարկվել է տարածքային քննչական բաժին

Արարատի զորամասի մարտական հենակետում կապիտան Կիրակոսյանի կողմից օրերս ծեծի ենթարկված զինծառայող Գրիգոր Տոնապետյանը այժմ գանգուղեղային վնասվածքով գտնվում է ՊՆ Մուրացանի զինվորական հոսպիտալի նյարդաբանական բաժանմունքում:
Ռազմ.ինֆոյի հարցին, թե ներկայումս ինչպես է ծեծի ենթարկված զինծառայողի առողջական վիճակը, ՊՆ Մուրացանի զինվորական հոսպիտալում հրաժարվեցին պատասխանել:
Իսկ ՊՆ մամուլի քարտուղար Արծրուն Հովհաննիսյանը Ռազմ.ինֆոյի հետ զրույցում հայտնեց, որ դեպքի առնչությամբ նյութեր են պատրաստվել, որոնք ոստիկանությունը ուղարկել է տարածքային քննչական բաժին: «Միջադեպի մասին կտրվի հավելյալ տեղեկություն»,-հավելեց ՊՆ մամուլի քարտուղարը: