Վրաստանի զինված ուժերի լեռնահետախուզական գումարտակի զինծառայողները, որոնք Աֆղանստանում մասնակցում են խաղաղապահ առաքելությանը, մի քանի ամսից կազատեն ներկայիս տեղակայման վայրը Կանդագարի ավիացիոն բազայում՝ կատարելով առաջադրված խնդիրը։
Սերտիֆիկատներ՝ վրացի զինծառայողներին
Այս մասին հայտնում է Վրաստանի պաշտպանության նախարարության մամուլի ծառայությունը։
ISAF միջազգային առաքելության ավարտի հետ փուլ առ փուլ փակվում են Հիլմենդ նահանգում տեղակայված ռազմաբազաներն ու կրճատվում է անձնակազմի թիվը։
Վրացի զինծառայողները արդեն մեկ ամսից ավելի է, ինչ ապահովում են ԱՄՆ քաղաքացիական պայմանագրայինների անվտանգությունը, ովքեր HERO բազայում աֆղանստանցի զինծառայողներին սովորեցնում են ռազմական տեխնիկան վերանորոգել և շահագործել։
Հայտնի է նաև, որ վրացի զինծառայողներին տրվել են հատուկ հավաստագրեր՝ առաջադրված խնդիրները հաջող կատարելու համար։
Հիշեցնենք, որ վրացի խաղաղապահներն ընդգրկված են ամերիկյան զորախմբի կազմում։ Ծառայում են 2009-ի օգոստոսից։