Ադրբեջանի պաշտպանության նախարարության զորամասերում, որոնք տեղեկայված են Բեյլագանի շրջանում և սահմանակից են Արցախի Մարտունու շրջանին, ներկայումս ընթանում են վարժանքներ՝ համապատասխան Ադրբեջանի պաշտպանության նախարար, գեներալ-գնդապետ Զաքիր Հասանովի հաստատած 2014-ի մարտական պատրաստվածության ծրագրի։
Ինչպես հաղորդում է Ադրբեջանի պաշտպանության նախարարության մամուլի ծառայությունը, դաշտային պայմաններում ընթացող մարտավարական վարժանքներին մասնակցում են մի քանի վաշտերի և գումարտակների անձնակազմերը։
Նկատենք, որ ՊՆ-ից չեն հստակեցնում՝ երբ են մեկնարկել սույն վարժանքները, երբ են ավարտվելու, կոնկրետ քանի զինծառայող և ինչ ռազմական տեխնիկա է մասնակցում։
Հիշեցնենք, որ ապրիլի 28-ից ի վեր Ադրբեջանի զինված ուժերի ստորաբաժանումները զորավարժություններ էին անցկացնում առաջնագծի հատվածում։ Դրանք ավարտվել են մայիսի առաջին օրերին։