Ռուսաստանը կարդիականացնի Բելառուսի ԶՈւ սպառազինության Տ–72 տանկերի հերթական խմբաքանակը։ Այս մասին հայտնի է դարձել
Բելառուսի մայրաքաղաք Մինսկում մեկնարկած MILEX-2019 ռազմարդյունաբերական միջազգային ցուցահանդեսի շրջանակներում։
Այս մասին հայտնում է «ՏԱՍՍ» գործակալությունը՝ հղում անելով Ռուսաստանի ռազմատեխնիկական համագործակցության դաշնային ծառայությանը։ Տ–72 տանկերը կարդիականացվեն մինչև Տ–72Բ3 մակարդակի։
Բելառուսի ցամաքային զորքերում գործակալության աղբյուրը տեղեկացրել է, որ մինչ այժմ մինչև Տ–72Բ3 մակարդակի արդիականացվել է 15 միավոր Տ–72Բ։ Այս անգամ նախատեսվում է ևս 10 միավորի արդիականացում։
Հիշեցնենք, որ Բելառուսը 2018 թվականի նոյեմբերին ստացել էր 10 միավոր Տ–72Բ3 արդիականացված տանկերի խմբաքանակ։ Եվ ևս մեկ խմբաքանակ արդիականացված տանկեր Բելառուսը ստացել էր 2017 թվականի հունվարին։