Հայտնի են դարձել Վրաստանում անցկացվելիք Agile Spirit–2019 զորավարժության ժամանակացույցն ու որոշ մանրամասներ։ Այն լինելու է հուլիսի 29–ից օգոստոսի 9–ը ժամանակահատվածում և անցկացվելու է 3 վայրերում՝ Վազիանիում, Սենակիում և Ախալցխայի «Օրփոլո» զորավարժարանում։
Այս մասին հայտնում է Վրաստանի ՊՆ էջը։ Agile Spirit–2019 զորավարժությանը մասնակցելու են ՆԱՏՕ անդամ և դաշնակից 14 երկրների ավելի քան 3000 զինծառայող։
Զորավարժության մասնակից երկրների մասին և այլ տեղեկություններ դեռևս հրապարակված չէ։ Razm.info-ն հետագայում կանդրադառնա զորավարժությանն ու կներկայացնի այլ մանրամասներ։
Agile Spirit զորավարժությունները Վրաստանում անկացվում են 2011-ից՝ ամեն տարի: