Պաշտպանության նախարարությունը չի պատրաստվում ոչ ծածկել, ոչ կոծկել զինծառայողների մահվան դեպքերը, ինչպես չի արել տարիներ շարունակ։ Այս մասին այսօր լրագրողներին ասաց պաշտպանության նախարար Դավիթ Տոնոյանը։
Նշանակվել է ծառայողական քննություն, դեպքն ուսումնասիրվում է։
«Տեղեկությունները այսպես ասած խաչմերուկային է իրականցվում, մենք ստանում ենք տեղեկությունը և դատախազությունից և քննչական ծառայությունից, ստանում ենք նաև պաշտպանության նախարարությունից։ Հնարավոր չի որևէ բան կոծկել, բայց ես չեմ կարծում նաև միաժամանակ, որ անհրաժեշտ է ծառայության հետ չկապված, նախաքննության փուլում գտնվող դեպքերի վերաբերյալ անընդհատ բարձրաձայնել»,–մասնավորապես նշել է նախարարը։
Հիշեցնենք, որ հունվարի մեկին մահացած զինծառայողի մասին տեղեկությունը պատահարից մեկ ամիս անց այս մասին իմացել էր Tert.am լրատվակայքը։
ՀՀ պաշտպանության նախարարի մամուլի խոսնակ Արծրուն Հովհաննիսյանը այս առիթով ասել էր․ «Դեպքը գաղտնի չի պահվում, ուղղակի չենք հայտնել առաջինը։ Դրանք տարբեր բաներ են»։