Այսօր ԼՂՀ ՊԲ մամուլի քարտուղար Սենոր Հասրաթյանը հաստատել է, որ ԼՂՀ-ն անօդաչու թռչող սարքեր է կիրառում: Մյուս կողմից՝ ԼՂՀ ՊԲ-ն հերքում է ադրբեջանական ապատեղեկատվությունը: Ռազմական փորձագետն անդրադառնում է բանակում առկա խնդիրներին և դրանց պատճառներին:
- ԼՂՀ ՊԲ-ն զորավարժությունների ընթացքում՝ հետախուզական տեղեկություններ հավաքագրելու նպատակով, ավանդական մեթոդներից բացի, կենսականորեն օգտագործվել են նաեւ անօդաչու թռչող սարքերի հնարավորությունները: News.am-ի հետ զրույցում հայտնել է Սենոր Հասրաթյանը:
- Հայկական կողմը հերքում է ադրբեջանական այն ապատեղեկատվությունը, թե արձակված գնդակից ադրբեջանցի զինծառայող է վիրավորվել:
- Ռազմական փորձագետ Հրաչյա Պետրոսյանցն էլ համոզված է, որ բանակի խնդիրները գալիս են հասարակությունից. «Փողոցից բանակ տեղափոխված խնդիրների 80-90%-ը հարթվում է, և միայն մնացածներն են վերածվում արտակարգ պատահարների, քանի որ ֆիզիկապես անհնար է, որ սպայական կազմն անձնակազմին 100%-անոց հսկողության տակ պահի»: