Հունիսի 18-ին Վաշինգտոնի հետ ունեցած պայմանավորվածությունների շրջանակներում Թուրքիայի զինված ուժերը մոտեցել են սիրիական Մանբիջ քաղաքին: Այս մասին հայտնում է թուրքական Haberturk հեռուստաալիքի կայքը:
Ըստ կայքի՝ Թուրքիայի նախագահ Էրդողանը Սամսոն քաղաքում ընթացող ցույցի ժամանակ իր ելույթում հրամայել է Մանբիջում պարեկություն սկսել:
Քիչ ուշ Թուրքիայի ԶՈւ ԳՇ կայքը հայտնել է, որ «ավելի վաղ Մանբիջի ճանապարհային քարտեզի և անվտանգության սկզբունքների համաձայնությունների շրջանակներում 2018թ հունիսի 18-ին «Եփրատի վահան» գործողության տարածքի և Մանբիջի միջև եղած սահմանին Թուրքիայի և ԱՄՆ-ի զինված ուժերի կողմից սկսվել են անկախ պարեկային գործողություններ»:
Daha önce mutabık kalınmış Münbiç Yol Haritası ve Güvenlik Prensipleri doğrultusunda, Fırat Kalkanı Harekât alanı ile Münbiç arasında kalan hatta TSK ve ABD Silahlı Kuvvetleri unsurları tarafından 18 Haziran 2018 tarihinden itibaren bağımsız devriye faaliyetlerine başlanmıştır.
— TSK (@TSKGnkur) June 18, 2018
Հիշեցնենք, որ ավելի վաղ Թուրքիայի վարչապետ Բինալի Յըլդըրըմը հայտարարել էր, որ Թուրքիան և ԱՄՆ ստորագրել են 90-օրյա պայմանավորվածություն սիրիական Մանբիջ քաղաքից քրդական PYD և YPG ստորաբաժանումների դուրս բերման մասին: Վերջինիս խոսքերով «եթե PYD-ն և YPG-ն դուրս չգան քաղաքից, ապա քաղաքում կսկսվեն ռազմական գործողություններ, ինչպես Աֆրինում էր»: Իսկ հունիսի 4-ին Թուրքիայի ԱԳ նախարար Մեվլյութ Չավուշօղլուն և ԱՄՆ պետքարտուղար Մայք Պոմպեոն քննարկել էին սիրիական Մանբիջի ճանապարհային քարտեզը: