Ադրբեջանի ԶՈւ զորավարժությանը ներգրավված զինտեխնիկան

Ադրբեջանի ԶՈւ ստորաբաժանումները զորավարժության շրջանակներում հիմնական տեղակայման վայրից վարժանքների շրջան են տեղափոխվել Մարտի 13-ի լույս գիշերը: Զորավարժությանը ներգրավվել են տանկեր, հրթիռային տեխնիկա, ավիացիա:  Այս մասին հայտնում է Ադրբեջանի ՊՆ կայքը:

Դատելով զորավարժության առաջին և երկրորդ օրերին Ադրբեջանի ՊՆ հրապարակած տեսանյութերից և լուսանկարներից՝ վարժանքներին առայժմ որևէ նոր զինտեխնիկա չի ներգրավվել, ինչը պնդում էր Ադրբեջանի ՊՆ-ն՝ նախքան զորավրժությունը տարածած հաղորդագրությունում:

Դատելով հրապարակված նյութերից՝ առայժմ ներգրավվել է հետևյալ զինտեխնիկան.

Հրետանի, հրթիռային զորքեր

«Սմերչ» համազարկային կրակի ռեակտիվ համակարգեր.

• հրթիռների տրամաչափը՝ 300 մմ,
• հեռահարությունը՝ մինչև 70-90 կմ,
• համազարկի հրթիռների քանակը՝ 12 հատ:

Ադրբեջանի ԶՈւ զորավարժությանը ներգրավված «Սմերչ» ՀԿՌՀ. 13.03.2018

Lynx մոդուլային ՀԿՌՀ

Այս համակարգը կարող է կրել 122-ից մինչև 370 մմ տրամաչափի հրթիռներով կոնտեյներներ՝ ըստ արտադրող իսրայելական ընկերության տվյալների: Ադրբեջանում առկա է երեք տարբերակ՝ 122 մմ տրամաչափի «Գրադի», 160 մմ «Լար» և 306 մմ «Էքստրա» հրթիռներով: Կրկին ըստ պաշտոնական տվյալների՝ 306 մմ տրամաչափի տարբերակի հեռահարությունը մինչև 150 կմ է:

Ադրբեջանի ԶՈւ զորավարժությանը ներգրավված lynx մոդուլավոր ՀԿՌՀ. 13.03.2018

«Գիացինտ-Բ» քարշակվող հաուբիցներ.

• հրանոթի տրամաչափը՝ 152 մմ,
• հեռահարությունը՝ 30 կմ
• կրակի տեմպը՝ րոպեում 5-6 կրակոց:

Ադրբեջանի ԶՈւ զորավարժությանը ներգրավված «Գեացինտ-Բ» քարշակվող հաուբիցներ. 13.03.2018

Զրահատեխնիկա

Տ-72/90 տանկեր

• Հրանոթի տրամաչափը՝ 125 մմ,
• Մարտական լրակազմը՝ մինչև 39 արկ,
• Կրակի տեմպը՝ րոպեում մինչև 8 կրակոց:

Ադրբեջանի ԶՈւ զորավարժությանը ներգրավված Տ-72/90 տանկեր. 13.03.2018

ԲՏՌ-80Ա զրահափոխադրիչներ

• սպառազինությունը՝ 30 մմ հրանոթ, 7,62 մմ գնդացիր,
• անձնակազմը՝ 3 զինծառայող,
• դեսանտը՝ մինչև 8 զինծառայող,
• պաշտպանվածությունը՝ հրազենից և բեկորներից:

Ադրբեջանի ԶՈւ զորավարժությանը ներգրավված ԲՏՌ-82Ա ԶՓ-ներ. 13.03.2018

«Սենդքեթ» զրահամեքենա

• Անձնակազմը՝ 4-8 զինծառայող,
• Ընթացամասը՝ 4×4,
• Սպառազինությունը՝ տարբեր (ըստ նշանակության):

Ադրբեջանի ԶՈւ զորավարժությանը ներգրավված SandCat զարահամեքենա. 13.03.2018

Ավիացիա

Մի-24/35 հարվածային ուղղաթիռներ

• Սպառազինությունը՝ կառավարվող և չկարավարվող հրթիռներ (6 կախոց), 30 մմ գնդացիրներ,
• Անձնակազմը՝ 2-3 օդաչու:

Մի-8/17 բեռնատար ուղղաթիռներ

• Սպառազինությունը՝ տարբեր տեսակի հրթիռներ (6 կախոց՝ ընդհանուր 4 տոննա բեռնատարողությամբ): Իսրայելի օգնությամբ արդիականացված տարբերակները կարող են ունենալ նաև հակատանկային կառավարվող հրթիռներ:
• Անձնակազմը՝3 օդաչու և 30 դեսանտային:

Ադրբեջանի ԶՈւ զորավարժությանը ներգրավված Մի-8/17 և Մի-35Մ ուղղաթիռներ. 13.03.2018

Ներգրավվել են նաև Սու-25 գորհիչներ և ՄիԳ-29 կործանիչներ: