Այսօր՝ հունիսի 7-ին, Կասպյան նավատորմի՝ «Թաթարստան» անունը կրող հրամանատարական հրթիռային նավի անձնակազմը մարտական կրակի իրականացմամբ զորավարժություններ է անցկացնում Կասպից ծովում։
Նավի անձնակազմը հրթիռային հարվածներ է հասցնելու պայմանական հակառակորդի նավերին, խոցելու է ծովային և օդային ենթադրյալ թիրախները՝ հրետանային կրակ բացելով AK-176-ից, «Օսա» զենիթահրթիռային և «Կաշտան» զենիթային-հրթիռահրետանային համակարգերից։
Գիշերային կանգառի ժամանակ նավաստիները հակաստորջրյա-դիվերսիոն ջոկատի մարտիկների հետ համատեղ վարժանքներ են իրականացնելու՝ նավի վրա ենթադրյալ հարձակման պայմաններում։
Բացի այդ, մարտական լողորդների խումբը պայմանական ստորջրյա դիվերսանտներին կալանելու վարժանքներ է կատարելու։ Համաձայն նախապես գրված սցենարի՝ վերջիններս փորձելու են պայթուցիկ սարք ամրացնել նավի իրանին, սակայն հերթապահող մարտական լողորդները կասեցնելու են նրանց գործողությունները և վնասազերծեն դիվերսանտներին։