Հոկտեմբերի 24-ին Ռաբիա քաղաքի շրջանում՝ Իրաք-Սիրիա սահմանին, շիայական «Հաշդ ալ-Շաաբի» խմբավորման և Իրաքի կառավարական բանակի ուժերը գրոհել են Իրաքյան Քրդստանի Փեշմերգա զորաջոկատների դիրքերը: Քրդական Rudaw լրատվական գործակալության տվյալներով՝ գրոհը հետ է մղվել, ոչնչացվել է շիայական խմբավորման մի քանի միավոր զինտեխնիկա:
Այս մասին հայտնում է քրդական Rudaw գործակալությունը:
#BREAKING: Peshmerga defeat Iranian-backed Shia PMF militia attack in Mahmoudiya, near Rabia: Correspondent#TwitterKurds #Iraq pic.twitter.com/Vp9ZcSWk1x
— Kurdistan 24 English (@K24English) October 24, 2017
Ռաբիա քաղաքը տեղակայված է սիրիա-իրաքյան սահմանին, այնտեղ է գործում սահմանային անցակետը:
Քրդական կողմը հայտնում է, որ շիայական «Հաշդ ալ-Շաաբի» խմբավորումը բեռնատարներ է կորցրել բախումների հետևանքով, «Փեշմերգան» կորուստներ չունի: Քրդական ջոկատների հրամանատարներից մեկը հայտարարել է, որ ուժերի միջև բախումները երկար չեն տևել:
Ավելի վաղ քրդական կողմը հայտնել էր, որ Իրաքի բանակը և շիայական ջոկատները ուժեր են կենտրոնացնում սիրիա-իրաքյան սահմանին: Թուրքական ԶԼՄ-ներն էլ հայտնում են, որ Իրաքի կառավարական բանակը նպատակ ունի վերահսկողություն հաստատել Սիրիայի հետ սահմանին տեղակայված անցակետի վրա:
Հիշեցնենք, որ Իրաքի բանակը արդեն իսկ վերահսկողություն է հաստատել նավթային պաշարներով հարուստ Քիրքուք նահանգում, Սինջար քաղաքում և մի շարք այլ բնակավայրեր: