Հոկտեմբերի 9-ին Վրաստան է մեկնել Ադրբեջանի պաշտպանության նախարարության պատվիրակությունը: Ադրբեջանի պաշտպանության նախարարության կիբերանվտանգության բաժնի ներկայացուցիչները հանդիպել են Վրաստանի կիբերանվտանգության Բյուրոյի ղեկավարության հետ, քննարկել համագործակցությունը: Այս մասին հոկտեմբերի 11-ին հայտնում է Վրաստանի կիբերանվտանգության Բյուրոյի մամուլի ծառայությունը:
Այցն իրականացվել է Ադրբեջանի և Վրաստանի պաշտպանության նախարարությունների 2017թ. համագործակցության ծրագրի շրջանակներում: Ծրագրի համաձայն՝ նախատեսվում է կիբերանվտանգության ոլորտում փորձի փոխանակում, կիբերվարժանքների անցկացում:
Այցի շրջանակներում ադրբեջանական պատվիրակությունը հանդիպել է նաև Վրաստանի պաշտպանության նախարարության տեղեկատվական տեխնոլոգիաների դեպարտամենտի ներկայացուցիչների հետ: