Հունիսի 17-ին Արցախի ղեկավար Բակո Սահակյանը Պաշտպանության բանակի հրամանատար, գեներալ-լեյտենանտ Լևոն Մնացականյանի ուղեկցությամբ այցելել է Արցախի արևելյան սահմանագծի հատվածներից մեկը, մասնակցել զորամասերից մեկում հրամկազմի հետ հրավիրված խորհրդակցությանը։
Այս մասին հայտնում է Արցախի նախագահի կայքը։
Արցախի ղեկավարը տեղում ծանոթացել է տիրող իրավիճակին և ծառայության ընթացքին:
Բակո Սահակյանը այցելել է արևելյան սահմանագիծ, մասնակցել զորամասերից մեկում հրամկազմի հետ հրավիրված խորհրդակցությանը։
Խորհրդակցության ժամանակ Բակո Սահակյանը անդրադարձել է Ադրբեջանի կողմից հրադադարի ռեժիմի խախտման վերջին դեպքերին՝ դրանք որակելով որպես ահաբեկչություն և միջազգային իրավունքի կոպտագույն խախտում։ Նա նշել է, որ նման հանցագործություններն անպատիժ չեն մնալու։