Հայաստանի նախագահ Սերժ Սարգսյանը հրամանագիր է ստորագրել գնդապետ Արմեն Հարությունյանին ՀՀ զինված ուժերի հրթիռային զորքերի և հրետանու պետ – վարչության պետ նշանակելու մասին: Այս մասին մայիսի 26-ին հայտնում է ՀՀ նախագահի կայքը:
Մինչ այս ՀՀ ԶՈւ հրթիռային զորքերի և հրետանու պետ – վարչության պետի պաշտոնը զբաղեցնում էր գեներալ-մայոր Ալբերտ Մարդոյանը:
Ավելի վաղ՝ մայիսի 25-ին, հայտնի է դարձել, որ ՀՀ նախագահի մեկ այլ հրամանագրով փոխարինվել է նաև ՀՀ ՊՆ ռազմական ոստիկանության պետը: Գեներալ-մայոր Սամվել Ղուկասյանի փոխարեն ռազմական ոստիկանությունը կղեկավարի գնդապետ Արթուր Բաղդասարյանը: