Այսօր՝ մայիսի 26-ին, Մոսկվակում կայացել է ԱՊՀ անդամ երկրների պաշտպանության նախարարների խորհրդի նիստ: Նիստին ընդունվել է 2018-ի համար նախատեսված զինված ուժերի համատեղ միջոցառումների պլանը: Այս մասին հայտնում է ՌԴ ՊՆ մամուլի ծառայությունը:
Համատեղ միջոցառումների պլանը ներառում է հրամանատարաշտաբային վարժանքներ, ուսումնամեթոդաբանական հավաքներ, դաշտային մարզումների և ռազմական հմտությունների մրցումներ, ուսումնական օլիմպիադաներ ևն:
Նշենք, որ ԱՊՀ անդամ երկրների պաշտպանության նախարարների նիստին մասնակցելու համար Մոսկվա էր մեկնել նաև ՀՀ պաշտպանության նախարար Վիգեն Սարգսյանը:
Նիստին մասնակցել են նաև Ռուսաստանի, Բելառուսի, Ղազախստանի, Ադրբեջանի, Տաջիկստանի և Ուզենեկստանի պաշտպանության նախարարները, Ղրղզստանի ԳՇ պետը և Թուրքմենստանի ռազմական կցորդը:
Քննարկվել են նաև ԱՊՀ անդամ երկրների զինված ուժերի պատրաստության հարցերով ավելի սերտ համագործակցության հարցեր: Նիստին ընդունվել է նաև ԱՊՀ հակաօդային պաշտպանության համակարգի ֆինանսավորման վերաբերյալ նախագիծը:
ՌԴ ՊՆ ղեկավար Սերգեյ Շոյգուն նշել է, որ հաջորդ նիստը կայանալու է Տաջիկստանի մայրաքաղաք Դուշամբեում այս տարվա նոյեմբերին: