Հորդանանը հերքել է մամուլում հայտնված այն տեղեկությունները, թե իր տարածքում կարող է մշտական ամերիկյան ռազմաբազա տեղակայվել, որը հավանաբար կօգտագործվի հարևան Սիրիա ներխուժելու համար:
«Ամմանի և ՆԱՏՕ-ի կապերն ամուր են, բայց դրանք չեն նշանակում, թե Հորդանանը համաձայն կլինի իր տարածքում ԱՄՆ ռազմաբազա ունենալ»,- գրում է «Ալ-Գհադ» թերթը՝ մեջբերելով հորդանանյան բարձրաստիճան պաշտոնյայի արձագանքը:
Մայիսի 20-ին ամերիկյան «Վաշինգթոն փոստը» գրել էր, որ ԱՄՆ-ն մի քանի գործընկերների հետ ռազմական ծրագրեր է մշակում՝ Սիրիայում իրավիճակի սրման համար: Ծրագրերը դիտարկում են իրավիճակի սրման բոլոր տարբերակները, մինչև անգամ՝ գրոհայինների կողմից այդ երկրի քիմիական զենքի գրավումը: Հղում կատարելով իր տեղեկատվական աղբյուրներին՝ ամերիկյան պարբերականը նշել էր, որ նման ռազմական գործողություններն առնվազն 7 երկիր կընդգրկեն: Դրանք են՝ Իսրայելը, Հորդանանը, Արաբական Միացյալ Էմիրությունները, Սաուդյան Արաբիան, Թուրքիան, չի բացառվել ռազմական գործողություններում նաև Մեծ Բրիտանիայի մասնակցությունը:
Աղբյուր՝ Иордания опровергла сообщения о планах размещения на ее территории военных баз США